chalo us bewafa ko main bhula kar dekh leta hun

chalo us bevafā ko maiñ bhulā kar dekh letā huuñ

ye sho'le ḳhushk pattoñ meñ chhupā kar dekh letā huuñ

kisī sūrat guzishta sā.atoñ ke naqsh miT jaa.eñ

maiñ dīvāroñ se tasvīreñ haTā kar dekh letā huuñ

jo itnī paas haiñ vo sūrateñ dhuñdlā.e.gī kaise

ḳhud apnī saañs shīshe par lagā kar dekh letā huuñ

bahut dil ko satātā hai agar be-ḳhānumāñ honā

to kuchh lamhe havā meñ ghar banā kar dekh letā huuñ

ye mumkin hai use bhī is se ho kuchh duur kī nisbat

maiñ aane vaalā har patthar uThā kar dekh letā huuñ

tavaqqo' hai ki shāyad vo yūñhī pahchān le mujh ko

use is ke purāne ḳhat dikhā kar dekh letā huuñ

mire ġham kī ḳhabar 'irshād' duniyā ko huī kaise

bhare tālāb meñ kankar girā kar dekh letā huuñ

chalo us bewafa ko main bhula kar dekh leta hun

ye sho'le KHushk patton mein chhupa kar dekh leta hun

kisi surat guzishta saaton ke naqsh miT jaen

main diwaron se taswiren haTa kar dekh leta hun

jo itni pas hain wo suraten dhundlaegi kaise

KHud apni sans shishe par laga kar dekh leta hun

bahut dil ko satata hai agar be-KHanuman hona

to kuchh lamhe hawa mein ghar bana kar dekh leta hun

ye mumkin hai use bhi is se ho kuchh dur ki nisbat

main aane wala har patthar uTha kar dekh leta hun

tawaqqo' hai ki shayad wo yunhi pahchan le mujh ko

use is ke purane KHat dikha kar dekh leta hun

mere gham ki KHabar 'irshad' duniya ko hui kaise

bhare talab mein kankar gira kar dekh leta hun