chalti rahti hai tasalsul se junun-KHez hawa

chaltī rahtī hai tasalsul se junūñ-ḳhez havā

jaltā rahtā hai magar phir bhī kahīñ ek diyā

kisī mahfil meñ koī shaḳhs bahut khul ke hañsā

vāqi.a ye to ajab aaj yahāñ pesh aayā

yaad aatā hai bahut ek purānā āñgan

jis meñ pīpal kā ghanā peḌ huā kartā thā

ashk bahte haiñ to bahte hī chale jaate haiñ

rok saktā hai bahāv bhī koī dariyā kā

raat ham ek ġhazal likhte hue rote rahe

ba.az lafzoñ ko to ashkoñ ne miTā hī Daalā

phir se Takrā gayā mujh hī se mire dil kā mafād

phir se barpā huā ik mārka-e-karb-o-balā

chalti rahti hai tasalsul se junun-KHez hawa

jalta rahta hai magar phir bhi kahin ek diya

kisi mahfil mein koi shaKHs bahut khul ke hansa

waqia ye to ajab aaj yahan pesh aaya

yaad aata hai bahut ek purana aangan

jis mein pipal ka ghana peD hua karta tha

ashk bahte hain to bahte hi chale jate hain

rok sakta hai bahaw bhi koi dariya ka

raat hum ek ghazal likhte hue rote rahe

baz lafzon ko to ashkon ne miTa hi Dala

phir se Takra gaya mujh hi se mere dil ka mafad

phir se barpa hua ek marka-e-karb-o-bala