chaman-taraaz bahaaron mein bhi sukun na mila

chaman-tarāz bahāroñ meñ bhī sukūñ na milā

magar guloñ se vo ruḳhsār-e-lāla-gūñ na milā

isī sabab se junūñ ko ḳhirad samajh na sakī

jahān meñ jise hikmat milī junūñ na milā

chaTak guloñ kī sadā-e-shikast-e-dil se milī

magar guloñ kā dil-e-ḳhūñ-shuda se ḳhuuñ na milā

zabāñ pe 'ahd-e-vafā hai nazar meñ 'azm-e-jafā

majāz apnī haqīqat se aah kyoñ na milā

majāz ‘ain-e-haqīqat mirī nigāh meñ hai

tirī nigāh se terā bayān kyoñ na milā

mujhe ye kis ne fareb-e-sukūñ diyā hai 'zahīn'

agar sukūñ na mile to na kah sakūñ na milā

chaman-taraaz bahaaron mein bhi sukun na mila

magar gulon se wo ruKHsar-e-lala-gun na mila

isi sabab se junun ko KHirad samajh na saki

jahan mein jise hikmat mili junun na mila

chaTak gulon ki sada-e-shikast-e-dil se mili

magar gulon ka dil-e-KHun-shuda se KHun na mila

zaban pe 'ahd-e-wafa hai nazar mein 'azm-e-jafa

majaz apni haqiqat se aah kyon na mila

majaz ‘ain-e-haqiqat meri nigah mein hai

teri nigah se tera bayan kyon na mila

mujhe ye kis ne fareb-e-sukun diya hai 'zahin'

agar sukun na mile to na kah sakun na mila