chand lamhon ke liye anjuman-arai thi

chand lamhoñ ke liye anjuman-ārā.ī thī

phir vahī maiñ thā vahī raat kī tanhā.ī thī

chaḌhte sūraj kī tavajjoh rahī saarī us paar

raushnī kī to udhar sirf jhalak aa.ī thī

apne dil meñ bhī thī ta.amīr-e-makāñ kī hasrat

apnī qismat meñ magar bādiya-paimā.ī thī

apne hī bojh se har Dūbne vaalā Duubā

varna tūfān se kashtī to nikal aa.ī thī

chal diye bas yūñhī ik saa.e ke pīchhe

na ta.āruf hī thā us se na shanāsā.ī thī

kaun is dasht meñ kahtā mujhe 'mohsin' labbaik

apnī hī ḳhāk-e-navā guuñj ke lauT aa.ī thī

chand lamhon ke liye anjuman-arai thi

phir wahi main tha wahi raat ki tanhai thi

chaDhte suraj ki tawajjoh rahi sari us par

raushni ki to udhar sirf jhalak aai thi

apne dil mein bhi thi tamir-e-makan ki hasrat

apni qismat mein magar baadiya-paimai thi

apne hi bojh se har Dubne wala Duba

warna tufan se kashti to nikal aai thi

chal diye bas yunhi ek sae ke pichhe

na taaruf hi tha us se na shanasai thi

kaun is dasht mein kahta mujhe 'mohsin' labbaik

apni hi KHak-e-nawa gunj ke lauT aai thi