chand mohmal si sargoshiyon se pare KHamushi ki rida mein hain lipTe hue

chand mohmal sī sargoshiyoñ se pare ḳhāmushī kī ridā meñ haiñ lipTe hue

lab-ba-lab ho ga.e jab zamīñ āsmāñ chāñd ubhrā ufuq par chamakte hue

raat ham se baġhal-gīr aise huī saare raushan tasavvur hue sāñvle

raah sūraj kī takte rahe sub.h tak ham ujāle kī chaukhaT pe baiThe hue

lazzat-e-lams se band āñkheñ huiiñ sirf sāñsoñ se hotī rahī guftugū

rafta rafta pighalte rahe barf se phir dhuāñ ho ga.e jism jalte hue

pahlī bārish mohabbat kī thī aur ham āsmānoñ kī jānib chale be-ḳhatar

phir havā daf.atan sāmne aa ga.ī apne Deñoñ pe talvār bāñdhe hue

un luTerī nigāhoñ ko kyā hai ḳhabar chiir kar siina aa.e haiñ jo sat.h par

kitne taklīf-dah haiñ samundar ko ye ḳhushbuoñ ke jazīre ubharte hue

āsmāñ par dhanak bādaloñ meñ chamak baaz kī painī nazreñ hadaf par lagīñ

chhat pe jañgalī kabūtar hai sahmā huā apne bhīge paroñ ko sameTe hue

zehn meñ ek manzar hai chipkā huā jaise mehmān-ḳhāne meñ ho painting

chāñd ke gore mukhḌe pe uljhī ghaTā aañkh bhīgī huī lab haiñ sulge hue

aañkh meñ jagmagātī huī ḳhvāhisheñ nīm-shab sharm kī jhālareñ ban ga.iiñ

kāmnā.eñ dulhan ban ke itrā rahīñ kārchobī sharāra sañbhāle hue

mere bistar pe kircheñ haiñ tanhā.ī kī ḳhvāb TuuTe hue ḳhushk āñkhoñ meñ haiñ

jazb jo kar sake ab vo āñchal nahīñ ashk Darte haiñ ghar se nikalte hue

chand mohmal si sargoshiyon se pare KHamushi ki rida mein hain lipTe hue

lab-ba-lab ho gae jab zamin aasman chand ubhra ufuq par chamakte hue

raat hum se baghal-gir aise hui sare raushan tasawwur hue sanwle

rah suraj ki takte rahe subh tak hum ujale ki chaukhaT pe baiThe hue

lazzat-e-lams se band aankhen huin sirf sanson se hoti rahi guftugu

rafta rafta pighalte rahe barf se phir dhuan ho gae jism jalte hue

pahli barish mohabbat ki thi aur hum aasmanon ki jaanib chale be-KHatar

phir hawa dafatan samne aa gai apne Denon pe talwar bandhe hue

un luTeri nigahon ko kya hai KHabar chir kar sina aae hain jo sath par

kitne taklif-dah hain samundar ko ye KHushbuon ke jazire ubharte hue

aasman par dhanak baadalon mein chamak baz ki paini nazren hadaf par lagin

chhat pe jangali kabutar hai sahma hua apne bhige paron ko sameTe hue

zehn mein ek manzar hai chipka hua jaise mehman-KHane mein ho painting

chand ke gore mukhDe pe uljhi ghaTa aankh bhigi hui lab hain sulge hue

aankh mein jagmagati hui KHwahishen nim-shab sharm ki jhaalaren ban gain

kaamnaen dulhan ban ke itra rahin karchobi sharara sanbhaale hue

mere bistar pe kirchen hain tanhai ki KHwab TuTe hue KHushk aankhon mein hain

jazb jo kar sake ab wo aanchal nahin ashk Darte hain ghar se nikalte hue