charagh ka hai ujala na aaftab ka hai
charāġh kā hai ujālā na āftāb kā hai
hamāre aage samundar abhī sarāb kā hai
nazar ko aarzū hai nīm-zard phūloñ kī
zabāñ ko zā.iqa bigḌī huī sharāb kā hai
utar gayā hai diloñ meñ jo dard-mandoñ ke
vo harf-harf mirī ziist kī kitāb kā hai
har ik vujūd hai ā.īna dil-farebī kā
magar savāl tirī chashm-e-intiḳhāb kā hai
karam hai sabza-o-gul par mudām shabnam kā
'itāb nange daraḳhtoñ pe āftāb kā hai
fazā-e-dahr pe hairat hai kyoñ tujhe 'vasfī'
ye irti'āsh to lamhoñ ke iztirāb kā hai
charagh ka hai ujala na aaftab ka hai
hamare aage samundar abhi sarab ka hai
nazar ko aarzu hai nim-zard phulon ki
zaban ko zaiqa bigDi hui sharab ka hai
utar gaya hai dilon mein jo dard-mandon ke
wo harf-harf meri zist ki kitab ka hai
har ek wujud hai aaina dil-farebi ka
magar sawal teri chashm-e-intiKHab ka hai
karam hai sabza-o-gul par mudam shabnam ka
'itab nange daraKHton pe aaftab ka hai
faza-e-dahr pe hairat hai kyon tujhe 'wasfi'
ye irti'ash to lamhon ke iztirab ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
