charcha hai bahut jis ka yahan nam bahut hai

charchā hai bahut jis kā yahāñ naam bahut hai

dar-parda vahī shaḳhs ḳhūñ-āshām bahut hai

itnā hī tire qurb kā hangām bahut hai

ik shaam jo mil jaa.e vahī shaam bahut hai

kaafī hai bahalne ko tirī yaad kī daulat

ai rāhat-e-dil terā ye in.aam bahut hai

har moḌ pe dhokā hai yahāñ kaise basar ho

ye dahr pur-az-kulfat-o-ālām bahut hai

do ghūñT se kyā hogā abhī aur pilā tū

ai pīr-e-muġhāñ talḳhī-e-ayyām bahut hai

bas thoḌī sī mohlat tū mujhe aur atā kar

haañ ai malak-ul-maut abhī kaam bahut hai

kuchh baat yaqīnan hai tirī zaat meñ 'tāriq'

is shahr meñ aaya hai to kohrām bahut hai

charcha hai bahut jis ka yahan nam bahut hai

dar-parda wahi shaKHs KHun-asham bahut hai

itna hi tere qurb ka hangam bahut hai

ek sham jo mil jae wahi sham bahut hai

kafi hai bahalne ko teri yaad ki daulat

ai rahat-e-dil tera ye inam bahut hai

har moD pe dhoka hai yahan kaise basar ho

ye dahr pur-az-kulfat-o-alam bahut hai

do ghunT se kya hoga abhi aur pila tu

ai pir-e-mughan talKHi-e-ayyam bahut hai

bas thoDi si mohlat tu mujhe aur ata kar

han ai malak-ul-maut abhi kaam bahut hai

kuchh baat yaqinan hai teri zat mein 'tariq'

is shahr mein aaya hai to kohram bahut hai