chashm-e-mushtaq ne ye KHwab ajab dekhe hain

chashm-e-mushtāq ne ye ḳhvāb ajab dekhe haiñ

dil ke ā.īne meñ sau aks haiñ sab tere haiñ

zindagī se bhī nibāheñ tujhe apnā bhī kaheñ

is kashākash meñ shab o roz guzar jaate haiñ

ḳhāna-e-dil meñ thā kyā kyā na ummīdoñ kā hujūm

ḳhāna vīrāñ hai to rāzī-ba-razā baiThe haiñ

daulat-e-ġham bhī ḳhas-o-ḳhāk-e-zamāna meñ ga.ī

tum ga.e ho to mah-o-sāl kahāñ Thahre haiñ

abhī kuchh der na Duub ai mah-e-tābān-e-firāq

abhī kuchh ḳhvāb bhī jī bhar ke kahāñ dekhe haiñ

chashm-e-mushtaq ne ye KHwab ajab dekhe hain

dil ke aaine mein sau aks hain sab tere hain

zindagi se bhi nibahen tujhe apna bhi kahen

is kashakash mein shab o roz guzar jate hain

KHana-e-dil mein tha kya kya na ummidon ka hujum

KHana viran hai to raazi-ba-raza baiThe hain

daulat-e-gham bhi KHas-o-KHak-e-zamana mein gai

tum gae ho to mah-o-sal kahan Thahre hain

abhi kuchh der na Dub ai mah-e-taban-e-firaq

abhi kuchh KHwab bhi ji bhar ke kahan dekhe hain