chashm meri nahin bujhi hai abhi

chashm merī nahīñ bujhī hai abhī

in charāġhoñ meñ raushnī hai abhī

us ko bhī pyaas mere ishq kī hai

dil meñ mere bhī tishnagī hai abhī

shāyad us ko pata patā hai tirā

kuchh havā mujh se kah rahī hai abhī

guftugū kī jhijhak batātī hai

tum meñ ehsās-e-kamtarī hai abhī

in pe naqqād kī nazar na paḌī

mere sheroñ meñ tāzgī hai abhī

nā-mukammal hai ishq meñ tū bhī

mere andar bhī kuchh kamī hai abhī

bazm-e-yārāñ kī kyā zarūrat hai

mujh se tanhā.ī boltī hai abhī

kis kī haiñ siskiyāñ havāoñ meñ

har taraf kaisī ḳhāmushī hai abhī

apnī ġhazloñ ko do zabāñ 'shādāb'

dāstāñ ek an-kahī hai abhī

chashm meri nahin bujhi hai abhi

in charaghon mein raushni hai abhi

us ko bhi pyas mere ishq ki hai

dil mein mere bhi tishnagi hai abhi

shayad us ko pata pata hai tera

kuchh hawa mujh se kah rahi hai abhi

guftugu ki jhijhak batati hai

tum mein ehsas-e-kamtari hai abhi

in pe naqqad ki nazar na paDi

mere sheron mein tazgi hai abhi

na-mukammal hai ishq mein tu bhi

mere andar bhi kuchh kami hai abhi

bazm-e-yaran ki kya zarurat hai

mujh se tanhai bolti hai abhi

kis ki hain siskiyan hawaon mein

har taraf kaisi KHamushi hai abhi

apni ghazlon ko do zaban 'shadab'

dastan ek an-kahi hai abhi