chaunk chaunk uThta hun ai baad-e-saba raat gae

chauñk chauñk uThtā huuñ ai bād-e-sabā raat ga.e

kaun detā hai dar-e-dil pe sadā raat ga.e

ārzūoñ ke musalsal ka.ī bādal barse

mire shāne pe vo lahrā.ī ghaTā raat ga.e

mere hī siine meñ chehre ko chhupā kar us ne

dī mirī shoḳh-nigāhī kī sazā raat ga.e

dil meñ ab tak hai shafaq-rang ḳhayāloñ kā hujūm

us ke aariz pe thā vo rang-e-hayā raat ga.e

us ke e.ajāz-e-talattuf kī taḌap kyā kahiye

koī ehsās kā pahlū na bachā raat ga.e

haa.e ye ramz-e-suḳhan aah ye andāz-e-firāq

kasmasā aur mirī fikr zarā raat ga.e

thā mire haath meñ vo dast-e-hinā.ī 'mutrib'

the dar-e-dil pe bhī kuchh naqsh-e-hinā raat ga.e

chaunk chaunk uThta hun ai baad-e-saba raat gae

kaun deta hai dar-e-dil pe sada raat gae

aarzuon ke musalsal kai baadal barse

mere shane pe wo lahrai ghaTa raat gae

mere hi sine mein chehre ko chhupa kar us ne

di meri shoKH-nigahi ki saza raat gae

dil mein ab tak hai shafaq-rang KHayalon ka hujum

us ke aariz pe tha wo rang-e-haya raat gae

us ke eajaz-e-talattuf ki taDap kya kahiye

koi ehsas ka pahlu na bacha raat gae

hae ye ramz-e-suKHan aah ye andaz-e-firaq

kasmasa aur meri fikr zara raat gae

tha mere hath mein wo dast-e-hinai 'mutrib'

the dar-e-dil pe bhi kuchh naqsh-e-hina raat gae