chaunka hai aaj yun tera diwana KHwab mein

chauñkā hai aaj yuuñ tirā dīvāna ḳhvāb meñ

jaise ki mil gayā koī vīrāna ḳhvāb meñ

likhnā hai pichhle din kā bhī afsāna ḳhvāb meñ

ai hone vaalī sub.h na aa jaanā ḳhvāb meñ

din-bhar kī mushkilāt kī duunī sazā milī

bedāriyoñ kā ḳhvāb hai dohrānā ḳhvāb meñ

ham ko ġham-e-jahāñ ne dilāse bahut diye

bahlānā jāgte meñ to samjhānā ḳhvāb meñ

sub.h-e-subū-ba-dast se ab ke mileñge ham

dār-o-rasan pe aa.e haiñ rindāna ḳhvāb meñ

shāyad ki aaj gardan-e-sāqī meñ haath hoñ

chhīnā hai ek shaḳhs se paimāna ḳhvāb meñ

chaunka hai aaj yun tera diwana KHwab mein

jaise ki mil gaya koi virana KHwab mein

likhna hai pichhle din ka bhi afsana KHwab mein

ai hone wali subh na aa jaana KHwab mein

din-bhar ki mushkilat ki duni saza mili

bedariyon ka KHwab hai dohrana KHwab mein

hum ko gham-e-jahan ne dilase bahut diye

bahlana jagte mein to samjhana KHwab mein

subh-e-subu-ba-dast se ab ke milenge hum

dar-o-rasan pe aae hain rindana KHwab mein

shayad ki aaj gardan-e-saqi mein hath hon

chhina hai ek shaKHs se paimana KHwab mein