chehra un ka subh-e-raushan gesu jaise kali raat

chehra un kā sub.h-e-raushan gesū jaise kaalī raat

bāteñ un kī sub.hān-allāh goyā qur.āñ kī āyāt

ruḳh kā jalva pinhāñ rakkhā paidā kar ke maḳhlūqāt

husn-e-zāhir sab ne dekhā kis ne dekhā husn-e-zāt

jazbe kī sab garmī sardī bahte ashkoñ kī barsāt

ham ne saare mausam dekhe ham par guzre sab hālāt

ġham kī saarī chāleñ gahrī bachte bachte āḳhir-kār

dekhā is bechāre dil ne bebas ho kar khaa.ī maat

jīte-jī kab duniyā pūchhe marte hī is darja pyaar

hāthoñ-hāth uThā.e duniyā laa.e ashkoñ kī sauġhāt

husn-e-ḳhud-bīñ jis kī fitrat sheḳhī shoḳhī zulm-o-jaur

dām-e-ulfat meñ phañs jaa.e merī āñkhoñ dekhī baat

umr-e-pāyāñ kī manzil meñ ahd-e-māzī aa.e yaad

ab bhī 'nazar' meñ raqsāñ mere bhūle bachpan ke lamhāt

chehra un ka subh-e-raushan gesu jaise kali raat

baaten un ki subhan-allah goya quran ki aayat

ruKH ka jalwa pinhan rakkha paida kar ke maKHluqat

husn-e-zahir sab ne dekha kis ne dekha husn-e-zat

jazbe ki sab garmi sardi bahte ashkon ki barsat

hum ne sare mausam dekhe hum par guzre sab haalat

gham ki sari chaalen gahri bachte bachte aaKHir-kar

dekha is bechaare dil ne bebas ho kar khai mat

jite-ji kab duniya puchhe marte hi is darja pyar

hathon-hath uThae duniya lae ashkon ki saughat

husn-e-KHud-bin jis ki fitrat sheKHi shoKHi zulm-o-jaur

dam-e-ulfat mein phans jae meri aankhon dekhi baat

umr-e-payan ki manzil mein ahd-e-mazi aae yaad

ab bhi 'nazar' mein raqsan mere bhule bachpan ke lamhat