chhante KHak hain is rah se aane wale

chhānte ḳhaak haiñ is raah se aane vaale

jī se jaate haiñ tire kūche se jaane vaale

aaj vo īsī-e-daurāñ haiñ jalāne vaale

ham taḌap kar haiñ lahad se nikal aane vaale

maiñ bhī pyāsā huuñ mujhe kyoñ nahīñ karte sairāb

aap shamshīr se o pyaas bujhāne vaale

na hameñ dair se matlab na haram se kuchh kaam

ham to haiñ kūcha-e-dildār ke jaane vaale

lo hue ḳhud bhī giraftār-e-mohabbat nāseh

aap hī bhūle jo the raah batāne vaale

apnī fariyād se betāb na kar ai bulbul

tere naale haiñ mire hosh uḌāne vaale

ro hī detā huuñ jo yaad aatā hai landan mujh ko

kyā hue ab vo hasīñ nāchne gaane vaale

dekh ke laash 'haqīr' aap kī bolā vo shoḳh

aaj duniyā se chale Thokareñ khāne vaale

chhante KHak hain is rah se aane wale

ji se jate hain tere kuche se jaane wale

aaj wo isi-e-dauran hain jalane wale

hum taDap kar hain lahad se nikal aane wale

main bhi pyasa hun mujhe kyon nahin karte sairab

aap shamshir se o pyas bujhane wale

na hamein dair se matlab na haram se kuchh kaam

hum to hain kucha-e-dildar ke jaane wale

lo hue KHud bhi giraftar-e-mohabbat naseh

aap hi bhule jo the rah batane wale

apni fariyaad se betab na kar ai bulbul

tere nale hain mere hosh uDane wale

ro hi deta hun jo yaad aata hai landan mujh ko

kya hue ab wo hasin nachne gane wale

dekh ke lash 'haqir' aap ki bola wo shoKH

aaj duniya se chale Thokaren khane wale