chheD karne wali zulfon se saba thi main na tha

chheḌ karne vaalī zulfoñ se sabā thī maiñ na thā

mujh se kyoñ barham ho tum us kī ḳhatā thī maiñ na thā

ġhair hī ke vāste thā aap kā naqd-e-karam

ġhair hī ke vāste husn-e-vafā thī maiñ na thā

jalva-farmā baam par jis dam huā vo māh-rū

haa.e us dam saarī maḳhlūq-e-ḳhudā thī maiñ na thā

ġhair ke pahlū meñ rakkhā jis ne mujh ko be-qarār

ai sitamgar vo mirī āh-e-rasā thī maiñ na thā

jis ko sun kar ro rahe the aap bhī aġhyār bhī

raat vo riqqat bharī merī sadā thī maiñ na thā

rashk se 'sābir' na kyoñ hotā mire armāñ kā ḳhuun

dast-e-pā-bosī-e-jānāñ ko hinā thī maiñ na thā

chheD karne wali zulfon se saba thi main na tha

mujh se kyon barham ho tum us ki KHata thi main na tha

ghair hi ke waste tha aap ka naqd-e-karam

ghair hi ke waste husn-e-wafa thi main na tha

jalwa-farma baam par jis dam hua wo mah-ru

hae us dam sari maKHluq-e-KHuda thi main na tha

ghair ke pahlu mein rakkha jis ne mujh ko be-qarar

ai sitamgar wo meri aah-e-rasa thi main na tha

jis ko sun kar ro rahe the aap bhi aghyar bhi

raat wo riqqat bhari meri sada thi main na tha

rashk se 'sabir' na kyon hota mere arman ka KHun

dast-e-pa-bosi-e-jaanan ko hina thi main na tha