chheD karti chali hai nasim-e-sahar khil gai har kali ki qaba dosto

chheḌ kartī chalī hai nasīm-e-sahar khil ga.ī har kalī kī qabā dosto

lāla-o-gul ke bhī dil machalne lage dekh kar ye chaman kī fazā dosto

koī nau-ḳhez doshīza le ke chalī jab kabhī jām-e-sho.ala-numā dosto

raunaq-e-mai-kada ḳhud-ba-ḳhud hī baḌhī hashr sā ho gayā ik bapā dosto

saaz bajne lage giit Dhalne lage sāġhar-e-mai ke bhī daur chalne lage

mah-jamāloñ ne zulfeñ kahīñ khol diiñ chhā ga.ī mai-kade par ghaTā dosto

un ke dilkash se gulnār ruḳhsār par bikhre bikhre se gesū shikan-dar-shikan

aur is par qayāmat hai un kī hañsī lab ne kī hai mire phir ḳhatā dosto

ḳhud-baḳhud gulsitāñ meñ kalī jab khilī raat kī god meñ chāñdnī hañs paḌī

jhuk ga.ī bahr-e-sajda nasīm-e-sahar hai ye ādāb-e-mehr-o-vafā dosto

chheD karti chali hai nasim-e-sahar khil gai har kali ki qaba dosto

lala-o-gul ke bhi dil machalne lage dekh kar ye chaman ki faza dosto

koi nau-KHez doshiza le ke chali jab kabhi jam-e-shoala-numa dosto

raunaq-e-mai-kada KHud-ba-KHud hi baDhi hashr sa ho gaya ek bapa dosto

saz bajne lage git Dhalne lage saghar-e-mai ke bhi daur chalne lage

mah-jamalon ne zulfen kahin khol din chha gai mai-kade par ghaTa dosto

un ke dilkash se gulnar ruKHsar par bikhre bikhre se gesu shikan-dar-shikan

aur is par qayamat hai un ki hansi lab ne ki hai mere phir KHata dosto

KHud-baKHud gulsitan mein kali jab khili raat ki god mein chandni hans paDi

jhuk gai bahr-e-sajda nasim-e-sahar hai ye aadab-e-mehr-o-wafa dosto