chhoD har ek ko bura kahna

chhoḌ har ek ko burā kahnā

aisī sūrat pe tujh ko kyā kahnā

be-vafāoñ ko bā-vafā kahnā

aap kī baat vaah kyā kahnā

tum ne kyā aib ham meñ dekhā hai

dekho achchhā nahīñ burā kahnā

maiñ ne kyā kyā kahā hai logoñ se

ek baar aur phir zarā kahnā

jānte kab haiñ mujh ko apnā dost

mānte kab haiñ vo mirā kahnā

mujh ko ġhusse se dekh kar na ruko

dil meñ jo kuchh bhī aa gayā kahnā

maiñ mohabbat meñ kyā karūñ insāf

koī insāf se zarā kahnā

aap ko aaj tak nahīñ aayā

vāqi.a sab se ek sā kahnā

ḳhuub naqleñ utārte haiñ aap

āfrīñ vaah vaah kyā kahnā

kyā kahā maiñ kabhī nahīñ suntā

aur phir us pe aap kā kahnā

un ko kahnā salām ai qāsid

aur darbān ko duā kahnā

ai safī' hai abhī to dillī duur

kaun kahtā hai aa gayā kahnā

chhoD har ek ko bura kahna

aisi surat pe tujh ko kya kahna

be-wafaon ko ba-wafa kahna

aap ki baat wah kya kahna

tum ne kya aib hum mein dekha hai

dekho achchha nahin bura kahna

main ne kya kya kaha hai logon se

ek bar aur phir zara kahna

jaante kab hain mujh ko apna dost

mante kab hain wo mera kahna

mujh ko ghusse se dekh kar na ruko

dil mein jo kuchh bhi aa gaya kahna

main mohabbat mein kya karun insaf

koi insaf se zara kahna

aap ko aaj tak nahin aaya

waqia sab se ek sa kahna

KHub naqlen utarte hain aap

aafrin wah wah kya kahna

kya kaha main kabhi nahin sunta

aur phir us pe aap ka kahna

un ko kahna salam ai qasid

aur darban ko dua kahna

ai safi' hai abhi to dilli dur

kaun kahta hai aa gaya kahna