chhoD jaane ki wo jurat bhi nahin kar sakta

chhoḌ jaane kī vo jur.at bhī nahīñ kar saktā

būḌhī rasmoñ se baġhāvat bhī nahīñ kar saktā

tū mirī jaañ hai magar hai to tavā.if hī naañ

maiñ tirī khul ke himāyat bhī nahīñ kar saktā

vo jise pūjte ik umr guzārī ham ne

kyā vo ik baar ināyat bhī nahīñ kar saktā

dil jo bachcha thā bahut shoḳh tire jaane par

aise sahmā hai sharārat bhī nahīñ kar saktā

ishq karne kā mujhe kahtī hai samjhāo use

mujh sā mazdūr mohabbat bhī nahīñ kar saktā

merī mayyat pe kahāñ vaqt se vo pahuñchegā

jo ki bar-vaqt ayādat bhī nahīñ kar saktā

āḳhirī umr meñ maflūj huā baap huuñ maiñ

apne bachchoñ ko nasīhat bhī nahīñ kar saktā

chhoD jaane ki wo jurat bhi nahin kar sakta

buDhi rasmon se baghawat bhi nahin kar sakta

tu meri jaan hai magar hai to tawaif hi nan

main teri khul ke himayat bhi nahin kar sakta

wo jise pujte ek umr guzari hum ne

kya wo ek bar inayat bhi nahin kar sakta

dil jo bachcha tha bahut shoKH tere jaane par

aise sahma hai shararat bhi nahin kar sakta

ishq karne ka mujhe kahti hai samjhao use

mujh sa mazdur mohabbat bhi nahin kar sakta

meri mayyat pe kahan waqt se wo pahunchega

jo ki bar-waqt ayaadat bhi nahin kar sakta

aaKHiri umr mein mafluj hua bap hun main

apne bachchon ko nasihat bhi nahin kar sakta