chhoD kar apni zamin apna samundar sain
chhoḌ kar apnī zamīñ apnā samundar sā.īñ
maiñ bahut duur se aayā huuñ tire ghar sā.īñ
koī berī bhī nahīñ kāñch kā bartan bhī nahīñ
phir mire sahn meñ kyuuñ aate haiñ patthar sā.īñ
barf kī god meñ palte hue ḳhāmosh chīnār
ġhair mausam meñ sulag uThte haiñ aksar sā.īñ
phuul ban jaate haiñ hāthoñ meñ mire bachchoñ ke
merī TuuTī huī dīvār ke patthar sā.īñ
ho ga.iiñ shahr kī saḌkeñ to kushāda bhī magar
ab kahāñ jaa.eñ ye fōtpath ke bistar sā.īñ
maiñ to poras kī tarah jañg laḌā aur haarā
tū binā jañg hī ban baiThā sikandar sā.īñ
le ke aayā hai azal hī se 'nazar-siddīqī'
TuuTe kaae kī tarah apnā muqaddar sā.īñ
chhoD kar apni zamin apna samundar sain
main bahut dur se aaya hun tere ghar sain
koi beri bhi nahin kanch ka bartan bhi nahin
phir mere sahn mein kyun aate hain patthar sain
barf ki god mein palte hue KHamosh chinar
ghair mausam mein sulag uThte hain aksar sain
phul ban jate hain hathon mein mere bachchon ke
meri TuTi hui diwar ke patthar sain
ho gain shahr ki saDken to kushada bhi magar
ab kahan jaen ye footpath ke bistar sain
main to poras ki tarah jang laDa aur haara
tu bina jang hi ban baiTha sikandar sain
le ke aaya hai azal hi se 'nazar-siddiqi'
TuTe kae ki tarah apna muqaddar sain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
