chhoD kar dariya ye jo tishna-dahan jate hain

chhoḌ kar dariyā ye jo tishna-dahāñ jaate haiñ

ham bhī kis muñh se ye pūchheñ ki kahāñ jaate haiñ

koī dhaḌkā sā lagā rahtā hai siine meñ mire

koī saaya hai ta'āqub meñ jahāñ jaate haiñ

dekhtā rahtā huuñ saḌkoñ pe jo logoñ kā hujūm

sochtā rahtā huuñ āḳhir ye kahāñ jaate haiñ

kam se kam ham hī nahīñ shahr meñ rone vaale

us ke kūche se sabhī girya-kunāñ jaate haiñ

vaj.h-e-āvārgī kyā pūchh rahe ho ham se

kyā parindoñ se kabhī pūchhā kahāñ jaate haiñ

kam se kam itnā batā detā tū jaate jaate

tere Thukrā.e hue log kahāñ jaate haiñ

chhoD kar dariya ye jo tishna-dahan jate hain

hum bhi kis munh se ye puchhen ki kahan jate hain

koi dhaDka sa laga rahta hai sine mein mere

koi saya hai ta'aqub mein jahan jate hain

dekhta rahta hun saDkon pe jo logon ka hujum

sochta rahta hun aaKHir ye kahan jate hain

kam se kam hum hi nahin shahr mein rone wale

us ke kuche se sabhi girya-kunan jate hain

wajh-e-awargi kya puchh rahe ho hum se

kya parindon se kabhi puchha kahan jate hain

kam se kam itna bata deta tu jate jate

tere Thukrae hue log kahan jate hain