chhoD kar mujhko kahin aur agar jaana hai

chhoḌ kar mujh ko kahīñ aur agar jaanā hai

jā ijāzat hai tujhe tujh ko jidhar jaanā hai

tū to ḳhushbū hai kisī samt chalā jā.egā

maiñ huuñ ik ret kā paikar so bikhar jaanā hai

ek muddat hai huī raah meñ chalte lekin

is kā jaanā hī nahīñ hai ki kidhar jaanā hai

ab tirī yaad bhī kab mujh pe asar kartī hai

tū bhī ik roz mire dil se utar jaanā hai

laakh paḌ jaa.eñ hameñ jaan ke laale lekin

jaan tujh ko hī mirī jaan magar jaanā hai

ham to 'āshiq haiñ miyāñ ham haiñ shaboñ ke 'aadī

aap jā sakte haiñ gar aap ko ghar jaanā hai

kiije fir'aun se shaddād se 'ibrat hāsil

zer ye ho ga.e saare jo zabar jaanā hai

bas yahī sochte ham tum to na nafrat karte

na sahī aaj magar kal hameñ mar jaanā hai

ab ke bichhḌe haiñ to ye jī meñ hai aayā 'qaisar'

ab nahīñ jiinā yahāñ jaañ se guzar jaanā hai

chhoD kar mujh ko kahin aur agar jaana hai

ja ijazat hai tujhe tujh ko jidhar jaana hai

tu to KHushbu hai kisi samt chala jaega

main hun ek ret ka paikar so bikhar jaana hai

ek muddat hai hui rah mein chalte lekin

is ka jaana hi nahin hai ki kidhar jaana hai

ab teri yaad bhi kab mujh pe asar karti hai

tu bhi ek roz mere dil se utar jaana hai

lakh paD jaen hamein jaan ke lale lekin

jaan tujh ko hi meri jaan magar jaana hai

hum to 'ashiq hain miyan hum hain shabon ke 'adi

aap ja sakte hain gar aap ko ghar jaana hai

kije fir'aun se shaddad se 'ibrat hasil

zer ye ho gae sare jo zabar jaana hai

bas yahi sochte hum tum to na nafrat karte

na sahi aaj magar kal hamein mar jaana hai

ab ke bichhDe hain to ye ji mein hai aaya 'qaisar'

ab nahin jina yahan jaan se guzar jaana hai