chhoD kar tujhko kahin aur nikal sakte the

chhoḌ kar tujh ko kahīñ aur nikal sakte the

zindagī ham tirā 'unvān badal sakte the

mar ga.e Thiik huā ḳhatm kahānī bhī huī

varna ik roz kahānī se nikal sakte the

aa.ina hone kā nuqsān uThāyā ham ne

miTTī hote to kisī shakl meñ Dhal sakte the

mausam-e-hijr tirā shukr bachāyā tū ne

vasl kī aañch se ham varna pighal sakte the

aise mauqe’ to asīrī meñ ka.ī baar mile

ham agar chāhte zanjīr badal sakte the

chhoD kar tujh ko kahin aur nikal sakte the

zindagi hum tera 'unwan badal sakte the

mar gae Thik hua KHatm kahani bhi hui

warna ek roz kahani se nikal sakte the

aaina hone ka nuqsan uThaya hum ne

miTTi hote to kisi shakl mein Dhal sakte the

mausam-e-hijr tera shukr bachaya tu ne

wasl ki aanch se hum warna pighal sakte the

aise mauqe’ to asiri mein kai bar mile

hum agar chahte zanjir badal sakte the