chhoD us ka ishq DhunDhun mah-washan-e-chand aur

chhoḌ us kā ishq DhūñDhuñ mah-vashān-e-chand aur

dil uThā kar us sate bāñdhūñgā bā-dil band aur

teġh-e-burrāñ se koī kaaTe mujhe mumkin nahīñ

hai azal se mujh ko tere saath jo paivand aur

hai piyāla shiir kā labrez mah ke haath meñ

ab shakar-ḳhandī se us meñ Daal de tū qand aur

dil tasallī thā yakāyak qat.a-e-ulfat-bēñ magar

zaḳhm-e-dil par phir namak chhiḌkā ba-shakkar-ḳhand aur

maiñ nahīñ tanhā kamand-e-zulf meñ terī phañsā

hai har ik halqa meñ terī zulf ke pāband aur

qaul par tere nahīñ paimāñ-shikan kuchh e'tibār

har ghaḌī va.ada kare yā khāve tū saugand aur

vaa.e mujh par jā.ūñ kūche se tire kis taur se

TuuTe gar yak band terī zulf Daale band aur

haath uThā.ūñ ishq se hargiz ye ho saktā nahīñ

nāsehā har-dam mirā dil chhīl mat bā-pand aur

pūchhtā hai 'āfrīdī' se tirā mālik hai kaun

kaun hai tere sivā mere ḳhudā ḳhāvand aur

chhoD us ka ishq DhunDhun mah-washan-e-chand aur

dil uTha kar us sate bandhunga ba-dil band aur

tegh-e-burran se koi kaTe mujhe mumkin nahin

hai azal se mujh ko tere sath jo paiwand aur

hai piyala shir ka labrez mah ke hath mein

ab shakar-KHandi se us mein Dal de tu qand aur

dil tasalli tha yakayak qata-e-ulfat-been magar

zaKHm-e-dil par phir namak chhiDka ba-shakkar-KHand aur

main nahin tanha kamand-e-zulf mein teri phansa

hai har ek halqa mein teri zulf ke paband aur

qaul par tere nahin paiman-shikan kuchh e'tibar

har ghaDi wada kare ya khawe tu saugand aur

wae mujh par jaun kuche se tere kis taur se

TuTe gar yak band teri zulf Dale band aur

hath uThaun ishq se hargiz ye ho sakta nahin

naseha har-dam mera dil chhil mat ba-pand aur

puchhta hai 'afridi' se tera malik hai kaun

kaun hai tere siwa mere KHuda KHawand aur