chhoTa baDa na kam na manjhola izar-band

chhoTā baḌā na kam na mañjhola izār-band

hai us parī kā sab se amolā izār-band

har ik qadam pe shoḳh ke zaanū ke darmiyāñ

khātā hai kis jhalak se jhakolā izār-band

hañsne meñ haath merā kahīñ lag gayā to vo

lauñDī se bolī jā mirā dho lā izār-band

aur dho nahīñ tū pheñk de nāpāk ho gayā

vo dūsrā jo hai so piro lā izār-band

ik din kahā jo maiñ ne ki ai jaan aap kā

ham ne kabhū maze meñ na kholā izār-band

sun kar lagī ye kahne ki ai vāchhaḌe che ḳhush

aisā bhī kyā maiñ rakhtī huuñ polā izār-band

aa jaave is tarah se jo ab har kisī ke haath

vaisā to kuchh nahīñ mirā bholā izār-band

ik raat mere saath vo ayyār makr-bāz

leTī chhupā ke apnā mamolā izār-band

jab so ga.ī to maiñ ne bhī dahshat se us kī aa

pahle to chupke chupke TaTolā izār-band

āḳhir baḌī talāsh se us shoḳh kā 'nazīr'

jab aadhī raat guzrī to kholā izār-band

chhoTa baDa na kam na manjhola izar-band

hai us pari ka sab se amola izar-band

har ek qadam pe shoKH ke zanu ke darmiyan

khata hai kis jhalak se jhakola izar-band

hansne mein hath mera kahin lag gaya to wo

launDi se boli ja mera dho la izar-band

aur dho nahin tu phenk de napak ho gaya

wo dusra jo hai so piro la izar-band

ek din kaha jo main ne ki ai jaan aap ka

hum ne kabhu maze mein na khola izar-band

sun kar lagi ye kahne ki ai wachhaDe che KHush

aisa bhi kya main rakhti hun pola izar-band

aa jawe is tarah se jo ab har kisi ke hath

waisa to kuchh nahin mera bhola izar-band

ek raat mere sath wo ayyar makr-baz

leTi chhupa ke apna mamola izar-band

jab so gai to main ne bhi dahshat se us ki aa

pahle to chupke chupke TaTola izar-band

aaKHir baDi talash se us shoKH ka 'nazir'

jab aadhi raat guzri to khola izar-band