chhup kar kahin taskin-e-nazar baiTh gaya hai

chhup kar kahīñ taskīn-e-nazar baiTh gayā hai

dekho use DhūñDo vo kidhar baiTh gayā hai

dil kī to vo hālat hai ki kyā tujh ko batā.eñ

sun kar tire jaane kī ḳhabar baiTh gayā hai

is baar to sīdhā hī lagā dil pe nishāna

sīdhā hī tirā tīr-e-nazar baiTh gayā hai

rātoñ ko satāne lagī phir yaad tumhārī

lagtā hai hameñ hijr kā Dar baiTh gayā hai

ham jaisoñ kī phir pūchh parakh hone lagī hai

phir ham meñ koī ahl-e-hunar baiTh gayā hai

maiñ ḳhud hī farishtoñ kī jamā.at se nahīñ huuñ

par mere jo andar thā udhar baiTh gayā hai

chhup kar kahin taskin-e-nazar baiTh gaya hai

dekho use DhunDo wo kidhar baiTh gaya hai

dil ki to wo haalat hai ki kya tujh ko bataen

sun kar tere jaane ki KHabar baiTh gaya hai

is bar to sidha hi laga dil pe nishana

sidha hi tera tir-e-nazar baiTh gaya hai

raaton ko satane lagi phir yaad tumhaari

lagta hai hamein hijr ka Dar baiTh gaya hai

hum jaison ki phir puchh parakh hone lagi hai

phir hum mein koi ahl-e-hunar baiTh gaya hai

main KHud hi farishton ki jamaat se nahin hun

par mere jo andar tha udhar baiTh gaya hai