chhupa har chand tera dard-e-pinhan hum samajhte hain

chhupā har chañd terā dard-e-pinhāñ ham samajhte haiñ

ki sach hai ahl-e-ġham hī dūsroñ kā ġham samajhte haiñ

koī ham sā na hogā chāhne vaalā tujhe hamdam

namak-pāshī ko terī zaḳhm kā marham samajhte haiñ

mufakkir falsafī sciencedāñ jo bhī samajhte hoñ

jahāñ ko ham ma.āl-e-laġhzish-e-ādam samajhte haiñ

kabhī nāzuk masā.il par na karnā guftugū un se

na.e fitne jagāyā karte haiñ jo kam samajhte haiñ

har afsāne meñ hai pinhāñ mire ġham kā koī pahlū

tabhī to sab mire ġham ko ġham-e-ālam samajhte haiñ

chhupa har chand tera dard-e-pinhan hum samajhte hain

ki sach hai ahl-e-gham hi dusron ka gham samajhte hain

koi hum sa na hoga chahne wala tujhe hamdam

namak-pashi ko teri zaKHm ka marham samajhte hain

mufakkir falsafi sciencedan jo bhi samajhte hon

jahan ko hum maal-e-laghzish-e-adam samajhte hain

kabhi nazuk masail par na karna guftugu un se

nae fitne jagaya karte hain jo kam samajhte hain

har afsane mein hai pinhan mere gham ka koi pahlu

tabhi to sab mere gham ko gham-e-alam samajhte hain