chhupe hue the jo naqd-e-shuur ke Dar se

chhupe hue the jo naqd-e-shu.ūr ke Dar se

nikal sake na vo jazbāt mere andar se

kabhī bhī shahr-e-tilismāt-e-dil kī sair na kī

har ek jalva liyā musta.ār bāhar se

rahe ham apnī hī gahrā.iyoñ se nā-vāqif

utar sakī na kabhī kaa.ī sat.h-e-dil par se

sukūñ kī jannateñ dozaḳh nahīñ aziyyat kā

ajiib haal huā āgahī ke mahshar se

hamārī bachchoñ sī ma.asūmiyat huī zaḳhmī

lahūluhān huā dil ḳhirad ke patthar se

nazar se dekh lo ham ret ke gharoñdoñ ko

hameñ na chhūo ki ham khokhle haiñ andar se

hamārī koshish-e-be-sūd us ko kyā paatī

husūl jis kā thā mumkin faqat muqaddar se

'riyāz' shaam Dhalī ab to ghar ko lauT chalo

tulū-e-sub.h se pahle ke nikle ho ghar se

chhupe hue the jo naqd-e-shuur ke Dar se

nikal sake na wo jazbaat mere andar se

kabhi bhi shahr-e-tilismat-e-dil ki sair na ki

har ek jalwa liya mustaar bahar se

rahe hum apni hi gahraiyon se na-waqif

utar saki na kabhi kai sath-e-dil par se

sukun ki jannaten dozaKH nahin aziyyat ka

ajib haal hua aagahi ke mahshar se

hamari bachchon si masumiyat hui zaKHmi

lahuluhan hua dil KHirad ke patthar se

nazar se dekh lo hum ret ke gharondon ko

hamein na chhuo ki hum khokhle hain andar se

hamari koshish-e-be-sud us ko kya pati

husul jis ka tha mumkin faqat muqaddar se

'riyaz' sham Dhali ab to ghar ko lauT chalo

tulu-e-subh se pahle ke nikle ho ghar se