chhuTi ummid to main haal-e-dil kahne se kyun Darta
chhuTi ummid to main haal-e-dil kahne se kyun Darta
Safi Aurangabadi
MORE BYSafi Aurangabadi
chhuTī ummīd to maiñ hāl-e-dil kahne se kyuuñ Dartā
masal mash.hūr hai sarkār martā kyā nahīñ kartā
bahut achchhā huā dushman ne mujh se dushmanī kar lī
sivā mere na jaane aur kis kis ko ye le martā
agar dushman se aise pesh aate to maza paate
karūñ kyā arz jo bartāv mujh se aap ne bartā
kisī paimāñ-shikan ne rukte rukte baat to kar lī
jo va.ade hī pe ham uḌte to ye kartā na vo kartā
nahīñ mujh se tirī be-e'tinā.ī qābil-e-hairat
ġharīb insān duniyā kī nigāhoñ meñ nahīñ bhartā
safī' ne Thokareñ khā ke bhī apnī vaz.a kab badlī
samajh vaalā agar hotā hasīnoñ se bahut Dartā
chhuTi ummid to main haal-e-dil kahne se kyun Darta
masal mashhur hai sarkar marta kya nahin karta
bahut achchha hua dushman ne mujh se dushmani kar li
siwa mere na jaane aur kis kis ko ye le marta
agar dushman se aise pesh aate to maza pate
karun kya arz jo bartaw mujh se aap ne barta
kisi paiman-shikan ne rukte rukte baat to kar li
jo wade hi pe hum uDte to ye karta na wo karta
nahin mujh se teri be-e'tinai qabil-e-hairat
gharib insan duniya ki nigahon mein nahin bharta
safi' ne Thokaren kha ke bhi apni waza kab badli
samajh wala agar hota hasinon se bahut Darta
- Book : Kulliyat-e-Safi (Pg. 48)
- Author : Safi Auranjabadi
- Publication : Urdu Acadami Hayderabad (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
