chhuTega ji na ji na gulistan-e-arzu

chhūTegā jī na jī na gulistān-e-ārzū

bulbul ke chūtaḌoñ meñ hai paikān-e-ārzū

saale jo tū hai sham-e-shabistān-e-ārzū

kahte haiñ ham ko soḳhta-sāmān-e-ārzū

kaise nikālūñ dil ke maiñ paikān-e-ārzū

ye to namak-harām hai mehmān-e-ārzū

ullū kā paTThā ġhairoñ ko bosa diye gayā

phailā hī rah gayā mirā dāmān-e-ārzū

dekhā jo merā aage se kurtā phaTā huā

bole ki aao chāk-garebān-e-ārzū

māñgā jo un se bosa-e-lab muskurā diye

phūloñ se bhar diyā mirā dāmān-e-ārzū

chūlhe meñ jal ke ho gayā biivī kā intiqāl

ham phir rahe haiñ soḳhta-sāmān-e-ārzū

andher ho gayā dil-e-ḳhāna-ḳharāb meñ

gul ho ga.ī hai sham-e-shabistān-e-ārzū

vahshat pe merī rahm jo aayā to ye kahā

aao idhar ko chāk-garebān-e-ārzū

buniyād Daal dī thī tumhāre ḳhayāl kī

ta.amīr jab huā mirā aivān-e-ārzū

va.ada kiyā hai 'būm' se milne kā raat ko

umḌā huā hai siine meñ tūfān-e-ārzū

chhuTega ji na ji na gulistan-e-arzu

bulbul ke chutaDon mein hai paikan-e-arzu

sale jo tu hai sham-e-shabistan-e-arzu

kahte hain hum ko soKHta-saman-e-arzu

kaise nikalun dil ke main paikan-e-arzu

ye to namak-haram hai mehman-e-arzu

ullu ka paTTha ghairon ko bosa diye gaya

phaila hi rah gaya mera daman-e-arzu

dekha jo mera aage se kurta phaTa hua

bole ki aao chaak-gareban-e-arzu

manga jo un se bosa-e-lab muskura diye

phulon se bhar diya mera daman-e-arzu

chulhe mein jal ke ho gaya biwi ka intiqal

hum phir rahe hain soKHta-saman-e-arzu

andher ho gaya dil-e-KHana-KHarab mein

gul ho gai hai sham-e-shabistan-e-arzu

wahshat pe meri rahm jo aaya to ye kaha

aao idhar ko chaak-gareban-e-arzu

buniyaad Dal di thi tumhaare KHayal ki

tamir jab hua mera aiwan-e-arzu

wada kiya hai 'bum' se milne ka raat ko

umDa hua hai sine mein tufan-e-arzu