chiKHenge chillaenge hum roenge

chīḳheñge chillā.eñge ham ro.eñge

vo jab chhoḌ ke jā.eñge ham ro.eñge

mausam saaz udāsī ke jab chheḌegā

giit parinde gā.eñge ham ro.eñge

khel dikhā.eñge jab apnī hālat kā

taalī log bajā.eñge ham ro.eñge

har mushkil meñ har hālat har mauqa par

hañsnā tumheñ sikhā.eñge ham ro.eñge

un kī ḳhushī meñ ham ḳhush hote the lekin

ab vo jashn manāeñge ham ro.eñge

apne ghar ke suune suune āñgan meñ

panchhī shor machā.eñge ham ro.eñge

khilte chehre dekh ke ḳhush haiñ aaj bahut

lekin jab murjhā.eñge ham ro.eñge

ghar meñ sab kī zimmedārī ham par hai

raat meñ sab so jā.eñge ham ro.eñge

aaj tumheñ jo hañste hañste chhoḌā hai

kal is par pachhtā.eñge ham ro.eñge

chiKHenge chillaenge hum roenge

wo jab chhoD ke jaenge hum roenge

mausam saz udasi ke jab chheDega

git parinde gaenge hum roenge

khel dikhaenge jab apni haalat ka

tali log bajaenge hum roenge

har mushkil mein har haalat har mauqa par

hansna tumhein sikhaenge hum roenge

un ki KHushi mein hum KHush hote the lekin

ab wo jashn manaenge hum roenge

apne ghar ke sune sune aangan mein

panchhi shor machaenge hum roenge

khilte chehre dekh ke KHush hain aaj bahut

lekin jab murjhaenge hum roenge

ghar mein sab ki zimmedari hum par hai

raat mein sab so jaenge hum roenge

aaj tumhein jo hanste hanste chhoDa hai

kal is par pachhtaenge hum roenge