chilla rahi hain jis pe zabanen lahu lagi

chillā rahī haiñ jis pe zabāneñ lahū lagī

ye vo sadā thī jo mujhe bār-e-gulo lagī

kyā kyā na miss kiyā tujhe maiñ ne firāq meñ

lekin tirī kamī jo tire rū-ba-rū lagī

maiñ tab qarār dūñgā tujhe apnā ham-suḳhan

jab merī ḳhāmushī bhī tujhe guftugū lagī

ab ghir ke rah gayā huuñ ajab azhdahām meñ

har aarzū key pusht se hai aarzū lagī

ai hasrat-e-kamāl kuchh apnā ḳhayāl kar

mar hī na jaa.e yuuñ mire siine se to lagī

badnām ho ga.e haiñ jise likh ke aaj ham

kal dekhiyegā film yahī kū-ba-kū lagī

bardāsht kā azaab mirī ḳhāmushī se pūchh

topeñ sadāoñ kī haiñ mire chaar sū lagī

chilla rahi hain jis pe zabanen lahu lagi

ye wo sada thi jo mujhe bar-e-gulo lagi

kya kya na miss kiya tujhe main ne firaq mein

lekin teri kami jo tere ru-ba-ru lagi

main tab qarar dunga tujhe apna ham-suKHan

jab meri KHamushi bhi tujhe guftugu lagi

ab ghir ke rah gaya hun ajab azhdaham mein

har aarzu key pusht se hai aarzu lagi

ai hasrat-e-kamal kuchh apna KHayal kar

mar hi na jae yun mere sine se to lagi

badnam ho gae hain jise likh ke aaj hum

kal dekhiyega film yahi ku-ba-ku lagi

bardasht ka azab meri KHamushi se puchh

topen sadaon ki hain mere chaar su lagi