choT dil par lage aur aah zaban se nikle

choT dil par lage aur aah zabāñ se nikle

dard uTThe hai kahāñ aur kahāñ se nikle

pyaar hai us ko agar mujh se to anjām ye ho

ghar jale merā dhuāñ us ke makāñ se nikle

sī liyā ham ne to ulfat meñ laboñ ko apne

ab kisī dard kī āvāz kahāñ se nikle

mujh ko marne kā nahīñ ḳhauf tamannā ye hai

ruuh mahbūb kī bāñhoñ meñ yahāñ se nikle

chuuk āñkhoñ se huī hai yahī sach hai varna

koī ghāyal na ho jab tiir kamāñ se nikle

Thokareñ khā ke bhī sañbhle na zamāne kī ham

haath malte hue chup-chāp jahāñ se nikle

ham ko zarā hī samajhte the sitāre lekin

ban ke ham chāñd 'arun' saare jahāñ se nikle

choT dil par lage aur aah zaban se nikle

dard uTThe hai kahan aur kahan se nikle

pyar hai us ko agar mujh se to anjam ye ho

ghar jale mera dhuan us ke makan se nikle

si liya hum ne to ulfat mein labon ko apne

ab kisi dard ki aawaz kahan se nikle

mujh ko marne ka nahin KHauf tamanna ye hai

ruh mahbub ki banhon mein yahan se nikle

chuk aankhon se hui hai yahi sach hai warna

koi ghayal na ho jab tir kaman se nikle

Thokaren kha ke bhi sanbhle na zamane ki hum

hath malte hue chup-chap jahan se nikle

hum ko zara hi samajhte the sitare lekin

ban ke hum chand 'arun' sare jahan se nikle