chup raha nadan aur main dil ko yun puchha kiya

chup rahā nādān aur maiñ dil ko yuuñ pūchhā kiyā

kal khilaunā tum ne jo mujh se liyā thā kyā kiyā

dil-nashīñ ho kar bhī sūrat mujh ko dikhlā.ī na haa.e

mere ghar meñ rah ke mujh se aap ne pardā kiyā

un ke dar tak girte-paḌte nā-tavānī meñ ga.e

har qadam par ham ne vaqfa misl-e-naqsh-e-pā kiyā

ġhair se vaañ dīda-bāzī raat bhar hotī rahī

āsmāñ ko sub.h tak hasrat se maiñ dekhā kiyā

us but-e-parda-nashīñ kā naaz se kahnā ye haa.e

ḳhud to the badnām mujh ko kis liye rusvā kiyā

in dinoñ betāb ai 'safdar' rahā karte ho kyoñ

rabt kyā us barq-vash se tum ne phir paidā kiyā

chup raha nadan aur main dil ko yun puchha kiya

kal khilauna tum ne jo mujh se liya tha kya kiya

dil-nashin ho kar bhi surat mujh ko dikhlai na hae

mere ghar mein rah ke mujh se aap ne parda kiya

un ke dar tak girte-paDte na-tawani mein gae

har qadam par hum ne waqfa misl-e-naqsh-e-pa kiya

ghair se wan dida-bazi raat bhar hoti rahi

aasman ko subh tak hasrat se main dekha kiya

us but-e-parda-nashin ka naz se kahna ye hae

KHud to the badnam mujh ko kis liye ruswa kiya

in dinon betab ai 'safdar' raha karte ho kyon

rabt kya us barq-wash se tum ne phir paida kiya