dagh dhul gae ab to dard mein kami si hai

daaġh dhul ga.e ab to dard meñ kamī sī hai

zindagī na jaane kyuuñ phir bhī ajnabī sī hai

kal jis ābgīne se mauj-e-mai chhalaktī thī

aaj us ābgīne kī aañkh meñ namī sī hai

kaif-e-chashm-e-sāqī meñ kuchh kamī nahīñ lekin

jashn-e-mai-gusārāñ meñ aaj be-dilī sī hai

gardish-e-jahāñ meñ bhī kuchh asar hai laġhzish kā

aur nabz-e-hastī bhī kuchh rukī rukī sī hai

sāz-e-ārzū chup hai ruuh meñ hai sannāTā

dil meñ jo bhī sūrat hai ab miTī miTī sī hai

dagh dhul gae ab to dard mein kami si hai

zindagi na jaane kyun phir bhi ajnabi si hai

kal jis aabgine se mauj-e-mai chhalakti thi

aaj us aabgine ki aankh mein nami si hai

kaif-e-chashm-e-saqi mein kuchh kami nahin lekin

jashn-e-mai-gusaran mein aaj be-dili si hai

gardish-e-jahan mein bhi kuchh asar hai laghzish ka

aur nabz-e-hasti bhi kuchh ruki ruki si hai

saz-e-arzu chup hai ruh mein hai sannaTa

dil mein jo bhi surat hai ab miTi miTi si hai