dagh-e-gham-e-firaq miTaya na jaega

dāġh-e-ġham-e-firāq miTāyā na jā.egā

raushan hai ye charāġh bujhāyā na jā.egā

hāl-e-dil-e-ḳharāb sunāyā na jā.egā

afsurda ik hasīñ ko banāyā na jā.egā

ra.anā.ī-e-chaman hī to bulbul kī jaan hai

hadd-e-chaman se bulbul-e-shaidā na jā.egā

muddat ke baa'd ek Thikāna milā mujhe

ab āstāñ ye chhoḌ ke jaayā na jā.egā

jaañ muzmahil udaas nazar chehra sogvār

aise to us kī bazm meñ jaayā na jaa.e gā

hai naqsh-e-pā kisī kā nigāhoñ ke sāmne

ab sar kisī ke dar pe jhukāyā na jā.egā

nairañgī-e-zamāna kā ye rang hai 'qadīr'

ab dost ko bhī dost banāyā na jā.egā

dagh-e-gham-e-firaq miTaya na jaega

raushan hai ye charagh bujhaya na jaega

haal-e-dil-e-KHarab sunaya na jaega

afsurda ek hasin ko banaya na jaega

ranai-e-chaman hi to bulbul ki jaan hai

hadd-e-chaman se bulbul-e-shaida na jaega

muddat ke ba'd ek Thikana mila mujhe

ab aastan ye chhoD ke jaya na jaega

jaan muzmahil udas nazar chehra sogwar

aise to us ki bazm mein jaya na jae ga

hai naqsh-e-pa kisi ka nigahon ke samne

ab sar kisi ke dar pe jhukaya na jaega

nairangi-e-zamana ka ye rang hai 'qadir'

ab dost ko bhi dost banaya na jaega