dagh-e-gham-e-hayat farozan hai in dinon

dāġh-e-ġham-e-hayāt farozāñ hai in dinoñ

rūh-e-bahār ḳhār-badāmāñ hai in dinoñ

āzād ho ke jashn-e-bahārāñ manā.eñ kyā

ye dil to vaqf-e-zahmat-e-zindāñ hai in dinoñ

kyā hogā ġhuncha-hā-e-tamanna kā dekhiye

gulchīñ kī dastaras meñ gulistāñ hai in dinoñ

duniyā-e-mehr-o-lutf-o-vafā ḳhvāb ho ga.ī

insāñ sitam-rasīda-e-insāñ hai in dinoñ

chaḌhne lagā hai dil pe bhī tārīkiyoñ kā rang

maddham sī apnī sham-e-shabistāñ hai in dinoñ

lafz-e-sukūn sirf kitāboñ meñ rah gayā

har-dam ḳhayāl-e-gardish-e-daurāñ hai in dinoñ

dil kā qarār chain na jiine kī aarzū

kashtī hī nazr-e-shorish-e-tūfāñ hai in dinoñ

yaañ ābrū-e-fikr-e-suḳhan bhī ga.ī 'kalīm'

ab kyā batā.eñ kaun ġhazal-ḳhvāñ hai in dinoñ

dagh-e-gham-e-hayat farozan hai in dinon

ruh-e-bahaar KHar-badaman hai in dinon

aazad ho ke jashn-e-bahaaran manaen kya

ye dil to waqf-e-zahmat-e-zindan hai in dinon

kya hoga ghuncha-ha-e-tamanna ka dekhiye

gulchin ki dastaras mein gulistan hai in dinon

duniya-e-mehr-o-lutf-o-wafa KHwab ho gai

insan sitam-rasida-e-insan hai in dinon

chaDhne laga hai dil pe bhi tarikiyon ka rang

maddham si apni sham-e-shabistan hai in dinon

lafz-e-sukun sirf kitabon mein rah gaya

har-dam KHayal-e-gardish-e-dauran hai in dinon

dil ka qarar chain na jine ki aarzu

kashti hi nazr-e-shorish-e-tufan hai in dinon

yan aabru-e-fikr-e-suKHan bhi gai 'kalim'

ab kya bataen kaun ghazal-KHwan hai in dinon