dana hue buzurg hue rahnuma hue

daanā hue buzurg hue rahnumā hue

vo din ki ham the sham-e-majālis havā hue

un ko nahīñ dimāġh-e-talazzuz jahān meñ

jo ibtidā se vaqf-e-ġham-e-intihā hue

ḳhurshed kī nigāh se shabnam hai mushtahar

vo āshnā hue haiñ to sab āshnā hue

manzil hai shahryārī-e-ālam to dekhnā

is raah meñ hazāroñ qabīle fanā hue

had se ziyāda ham ne ḳhushāmad butoñ kī kī

ye log baḌhte baḌhte bil-āḳhir ḳhudā hue

is kā bhī kuchh hisāb kareñge ba-roz-e-hashr

naale azal se kitne sipurd-e-sabā hue

karte rahe huzūr pe takiya aḳhīr tak

ham āsare ke hone se be-āsrā hue

kis din hamārā hirs-o-havā se barī thā dil

kis roz ham se apne farīze adā hue

dana hue buzurg hue rahnuma hue

wo din ki hum the sham-e-majalis hawa hue

un ko nahin dimagh-e-talazzuz jahan mein

jo ibtida se waqf-e-gham-e-intiha hue

KHurshed ki nigah se shabnam hai mushtahar

wo aashna hue hain to sab aashna hue

manzil hai shahryari-e-alam to dekhna

is rah mein hazaron qabile fana hue

had se ziyaada hum ne KHushamad buton ki ki

ye log baDhte baDhte bil-aKHir KHuda hue

is ka bhi kuchh hisab karenge ba-roz-e-hashr

nale azal se kitne sipurd-e-saba hue

karte rahe huzur pe takiya aKHir tak

hum aasare ke hone se be-asra hue

kis din hamara hirs-o-hawa se bari tha dil

kis roz hum se apne farize ada hue