dar tak mujhko khinch lane par

daar tak mujh ko khīñch laane par

harf to aa.egā zamāne par

kis Thikāne pe aaj pahuñchā huuñ

aaj pahuñchā huuñ kis Thikāne par

dil ne majbūr kar diyā hogā

aap aa.e haiñ kab bulāne par

maut hairāñ thī dekh kar mujh ko

zindagī thī mujhe bachāne par

hashr barpā hai merī āñkhoñ meñ

vo tulā hai mujhe sulāne par

phir se niklī hai sūrat-e-ta.amīr

ek taḳhrīb ke dahāne par

maiñ to mauqūf ho chukā 'iqrār'

kurra-e-arz ko ghumāne par

dar tak mujh ko khinch lane par

harf to aaega zamane par

kis Thikane pe aaj pahuncha hun

aaj pahuncha hun kis Thikane par

dil ne majbur kar diya hoga

aap aae hain kab bulane par

maut hairan thi dekh kar mujh ko

zindagi thi mujhe bachane par

hashr barpa hai meri aankhon mein

wo tula hai mujhe sulane par

phir se nikli hai surat-e-tamir

ek taKHrib ke dahane par

main to mauquf ho chuka 'iqrar'

kurra-e-arz ko ghumane par