dastanon mein wo jadu hai na tafsiron mein hai

dāstānoñ meñ vo jaadū hai na tafsīroñ meñ hai

jo tirī āñkhoñ kī be-āvāz taqrīroñ meñ hai

rā.egāñ haiñ kal kī ḳhushiyāñ kal ke ġham bhī be-asar

ab bhalā rakkhā hī kyā maazī kī tasvīroñ meñ hai

terī āñkhoñ meñ agar paḌhne kī himmat hai to paḌh

karb kā mazmūñ mire māthe kī tahrīroñ meñ hai

us ke ik ik añg meñ vo bārhā paa.ī ga.ī

jo tanāsub kī kashish tarshe hue hīroñ meñ hai

vo chubhan sheroñ meñ Dhal jaa.e to mahshar ho bapā

jo abhī us shaḳhs kī guftār ke tīroñ meñ hai

har-qadam par chīḳh uThtī hai hazāroñ ghanTiyāñ

naġhmagī kaisī mire paañv kī zanjīroñ meñ hai

aañkh khulte hī ajab dhaḌkā sā dil ko lag gayā

vo kahāñ sapnoñ meñ thā jo un kī ta.abīroñ meñ hai

mutma.in haiñ ham kisī sūrat na manzar se haiñ ḳhush

nā-shakebā.ī kā nashtar apnī taqdīroñ meñ hai

dhuup kī shiddat ne un ko kar diyā garche niDhāl

phir bhī chalne kī lagan 'betāb' rahgīroñ meñ hai

dastanon mein wo jadu hai na tafsiron mein hai

jo teri aankhon ki be-awaz taqriron mein hai

raegan hain kal ki KHushiyan kal ke gham bhi be-asar

ab bhala rakkha hi kya mazi ki taswiron mein hai

teri aankhon mein agar paDhne ki himmat hai to paDh

karb ka mazmun mere mathe ki tahriron mein hai

us ke ek ek ang mein wo barha pai gai

jo tanasub ki kashish tarshe hue hiron mein hai

wo chubhan sheron mein Dhal jae to mahshar ho bapa

jo abhi us shaKHs ki guftar ke tiron mein hai

har-qadam par chiKH uThti hai hazaron ghanTiyan

naghmagi kaisi mere panw ki zanjiron mein hai

aankh khulte hi ajab dhaDka sa dil ko lag gaya

wo kahan sapnon mein tha jo un ki tabiron mein hai

mutmain hain hum kisi surat na manzar se hain KHush

na-shakebai ka nashtar apni taqdiron mein hai

dhup ki shiddat ne un ko kar diya garche niDhaal

phir bhi chalne ki lagan 'betab' rahgiron mein hai