dab gai kyun meri aawaz kaho to kah dun

dab ga.ī kyuuñ mirī āvāz kaho to kah duuñ

is bharī bazm meñ vo raaz kaho to kah duuñ

mere naġhmoñ ko sar-e-bazm tarasne vaalo

be-sadā kyuuñ hai mirā saaz kaho to kah duuñ

apne mohsin kā bhī ehsān bhulāne vaale

kis ne baḳhshā tumheñ e.azāz kaho to kah duuñ

kaise ġhairoñ ko milā gosha-e-pinhāñ kā surāġh

kaun nigarāñ thā daġhābāz kaho to kah duuñ

jab tumheñ apnī ġharaz thī to milā dī tum ne

kis kī āvāz meñ āvāz kaho to kah duuñ

jism-e-inkār pe iqrār kā rahtā hai libās

un kī guftār kā andāz kaho to kah duuñ

mujh meñ 'kausar' thī nihāñ tāqat-e-parvāz magar

kis ne kaaTe par-e-parvāz kaho to kah duuñ

dab gai kyun meri aawaz kaho to kah dun

is bhari bazm mein wo raaz kaho to kah dun

mere naghmon ko sar-e-bazm tarasne walo

be-sada kyun hai mera saz kaho to kah dun

apne mohsin ka bhi ehsan bhulane wale

kis ne baKHsha tumhein eazaz kaho to kah dun

kaise ghairon ko mila gosha-e-pinhan ka suragh

kaun nigaran tha daghabaz kaho to kah dun

jab tumhein apni gharaz thi to mila di tum ne

kis ki aawaz mein aawaz kaho to kah dun

jism-e-inkar pe iqrar ka rahta hai libas

un ki guftar ka andaz kaho to kah dun

mujh mein 'kausar' thi nihan taqat-e-parwaz magar

kis ne kaTe par-e-parwaz kaho to kah dun