dahr mein phirta hai jun baad-e-saba mastana

dahr meñ phirtā hai juuñ bād-e-sabā mastāna

tere dīvāne kā andāz har ik rindāna

shauq ke phuul khile husn kī qindīl jalī

saj gayā aap ke aate hī mirā kāshāna

chāhtā huuñ ki yūñhī mahv-e-tamāshā ho kar

jalva-e-husn ko dekhā karūñ bebākāna

jāñ-nisārān-e-mohabbat kā pata detī hai

sham.a pe bikhrī huī ḳhaak dil-e-parvāna

aaj kī raat to jī bhar ke hameñ piine do

aaj kī raat to gardish meñ rahe paimāna

zikr chhiḌ jaatā hai jab 'anjum'-e-vahshī kā kabhī

hañs ke kahtā hai koī vo hai tirā dīvāna

dahr mein phirta hai jun baad-e-saba mastana

tere diwane ka andaz har ek rindana

shauq ke phul khile husn ki qindil jali

saj gaya aap ke aate hi mera kashana

chahta hun ki yunhi mahw-e-tamasha ho kar

jalwa-e-husn ko dekha karun bebakana

jaan-nisaran-e-mohabbat ka pata deti hai

shama pe bikhri hui KHak dil-e-parwana

aaj ki raat to ji bhar ke hamein pine do

aaj ki raat to gardish mein rahe paimana

zikr chhiD jata hai jab 'anjum'-e-wahshi ka kabhi

hans ke kahta hai koi wo hai tera diwana