dahr-o-tajalliyat-e-rab ek hain chashm-e-raaz mein

dahr-o-tajalliyāt-e-rab ek haiñ chashm-e-rāz meñ

jakḌe hue haiñ sab ke sab silsila-e-niyāz meñ

kuchh vo nazar kā taur hai nargis-e-ishva-sāz meñ

sab kā jahāñ hī aur hai parda-sarā-e-nāz meñ

farq hai ijz-o-nāz meñ dīda-e-imtiyāz meñ

farq-e-haram-niyāz meñ pā-e-haram-navāz meñ

mehr-e-abad se kā.enāt baqqa-e-nūr tā-jihāt

raat hai aur añdherī raat chasm-e-sitāra-sāz meñ

haa.e re muntahā-e-shauq dast-e-hayā gale kā tauq

sar ko hai āstāñ se zauq us kī harīm-e-nāz meñ

zarroñ kī ḳhutba-ḳhvāniyāñ balki ḳhudā-bayāniyāñ

uf tirī lan-tarāniyāñ ḳhāk-e-hama-niyāz meñ

shakl har ik ujaal dī baat vahī nikāl dī

shauq ne ḳhaak Daal dī dīda-e-imtiyāz meñ

aur kisī kā zikr kyā jab na mujhī pe khul sakā

dard se mar rahā huuñ yā hasrat-e-chāra-sāz meñ

jo bhī hai ḳhizr-e-rāh hai phir bhī ġhazab tabāh hai

ek sī āh-āh hai qāfila-e-majāz meñ

sub.h-e-azal se hashr tak mahv-e-rukūa thā falak

sajde kī rah ga.ī falak phir bhī dil-e-niyāz meñ

shauq se kyā bichhaḌ ga.e khel bane bigaḌ ga.e

baal hī baal paḌ ga.e ā.ina-e-niyāz meñ

sahn-e-zamīñ makān-e-nāz charḳh hai āsmān-e-nāz

dahr hai ik jahān-e-nāz husn ke daur-e-nāz meñ

chhīñTe sahāb ne diye rāh-e-talab meñ soz se

sho.ale jahāñ bhaḌak uThe barq-e-zabāna-tāz meñ

dahr-o-tajalliyat-e-rab ek hain chashm-e-raaz mein

jakDe hue hain sab ke sab silsila-e-niyaz mein

kuchh wo nazar ka taur hai nargis-e-ishwa-saz mein

sab ka jahan hi aur hai parda-sara-e-naz mein

farq hai ijz-o-naz mein dida-e-imtiyaz mein

farq-e-haram-niyaz mein pa-e-haram-nawaz mein

mehr-e-abad se kaenat baqqa-e-nur ta-jihat

raat hai aur andheri raat chasm-e-sitara-saz mein

hae re muntaha-e-shauq dast-e-haya gale ka tauq

sar ko hai aastan se zauq us ki harim-e-naz mein

zarron ki KHutba-KHwaniyan balki KHuda-bayaniyan

uf teri lan-taraniyan KHak-e-hama-niyaz mein

shakl har ek ujal di baat wahi nikal di

shauq ne KHak Dal di dida-e-imtiyaz mein

aur kisi ka zikr kya jab na mujhi pe khul saka

dard se mar raha hun ya hasrat-e-chaara-saz mein

jo bhi hai KHizr-e-rah hai phir bhi ghazab tabah hai

ek si aah-ah hai qafila-e-majaz mein

subh-e-azal se hashr tak mahw-e-rukua tha falak

sajde ki rah gai falak phir bhi dil-e-niyaz mein

shauq se kya bichhaD gae khel bane bigaD gae

baal hi baal paD gae aaina-e-niyaz mein

sahn-e-zamin makan-e-naz charKH hai aasman-e-naz

dahr hai ek jahan-e-naz husn ke daur-e-naz mein

chhinTe sahab ne diye rah-e-talab mein soz se

shoale jahan bhaDak uThe barq-e-zabana-taz mein