dahr se miTne ka gham bhi hamein beja hoga

dahr se miTne kā ġham bhī hameñ bejā hogā

ham nahīñ hoñge agar kal koī ham sā hogā

dekh is aañkh ko sun is kā qasīda ham se

phir ye bāteñ na kabhī aisā tamāshā hogā

tū bhī insān hai tū ne bhī mohabbat kī hai

tū mohabbat ke taqāzoñ ko samajhtā hogā

mar miTā kaun se andāz pe tere dil aaj

us ne sau baar tujhe pahle bhī dekhā hogā

aaj tak zehn meñ hasrat kā ġhubār uḌtā hai

ārzūoñ kā kabhī qāfila guzrā hogā

aaj ḳhāliq hai jo har khet kī hariyālī kā

yahī qātil kabhī har barg-o-samar kā hogā

aur kyā hogā pas-e-parda-e-dil ai 'shaukat'

apnī tasvīr kā ik aur sarāpā hogā

dahr se miTne ka gham bhi hamein beja hoga

hum nahin honge agar kal koi hum sa hoga

dekh is aankh ko sun is ka qasida hum se

phir ye baaten na kabhi aisa tamasha hoga

tu bhi insan hai tu ne bhi mohabbat ki hai

tu mohabbat ke taqazon ko samajhta hoga

mar miTa kaun se andaz pe tere dil aaj

us ne sau bar tujhe pahle bhi dekha hoga

aaj tak zehn mein hasrat ka ghubar uDta hai

aarzuon ka kabhi qafila guzra hoga

aaj KHaliq hai jo har khet ki hariyali ka

yahi qatil kabhi har barg-o-samar ka hoga

aur kya hoga pas-e-parda-e-dil ai 'shaukat'

apni taswir ka ek aur sarapa hoga