dar aai mere bhagon mein ruswai waghaira

dar aa.ī mire bhāgoñ meñ rusvā.ī vaġhaira

lamha na huī apnī pazīrā.ī vaġhaira

āñkhoñ ne tire baa'd na dekhā koī manzar

jaatī rahī pīchhe tire bīnā.ī vaġhaira

ro.eñge mire baa'd mujhe peḌ parinde

mat samjho sitam mere ilāqā.ī vaġhaira

chāhat se bhalā terī taraf kaun hai aatā

le aatī hai sab ko tirī ra.anā.ī vaġhaira

duniyā meñ akelā huuñ mirā koī nahīñ hai

sab rang-o-havas ke haiñ ye shaidā.ī vaġhaira

is daur meñ har shaḳhs hai tanhā.ī kā maarā

hote the kabhī saath yahāñ bhaa.ī vaġhaira

dar aai mere bhagon mein ruswai waghaira

lamha na hui apni pazirai waghaira

aankhon ne tere ba'd na dekha koi manzar

jati rahi pichhe tere binai waghaira

roenge mere ba'd mujhe peD parinde

mat samjho sitam mere ilaqai waghaira

chahat se bhala teri taraf kaun hai aata

le aati hai sab ko teri ranai waghaira

duniya mein akela hun mera koi nahin hai

sab rang-o-hawas ke hain ye shaidai waghaira

is daur mein har shaKHs hai tanhai ka mara

hote the kabhi sath yahan bhai waghaira