dar-haqiqat wo haqiqat-ashna hota nahin

dar-haqīqat vo haqīqat-āshnā hotā nahīñ

but-kadoñ meñ jis ko ‘irfān-e-ḳhudā hotā nahīñ

dil se dil rūhoñ se rūheñ hoñ agar nazdīk-tar

duur rah kar bhī koī dil se judā hotā nahīñ

ādmiyyat kā abhī tak nā-mukammal hai shu'ūr

varna is duniyā meñ hone ko to kyā hotā nahīñ

fasl-e-gul meñ gul se gul dast-o-garebāñ ho ga.e

hādisa aisā kisī jā rūnumā hotā nahīñ

farz-e-yazdāñ kā to hotā hī nahīñ paidā savāl

farz-e-insāñ hī jab insāñ se adā hotā nahīñ

bārhā aisā bhī hotā hai harīm-e-nāz meñ

sāmne hote haiñ vo aur sāmnā hotā nahīñ

kyā tirī duniyā meñ yā-rab haiñ kuchh aise bhī ġharīb

tū bhī jin kī zindagī kā aasrā hotā nahīñ

is liye kartā huuñ 'anvar' sāz-e-dil kā ehtirām

TūTne ke baa'd bhī ye be-sadā hotā nahīñ

dar-haqiqat wo haqiqat-ashna hota nahin

but-kadon mein jis ko ‘irfan-e-KHuda hota nahin

dil se dil ruhon se ruhen hon agar nazdik-tar

dur rah kar bhi koi dil se juda hota nahin

aadmiyyat ka abhi tak na-mukammal hai shu'ur

warna is duniya mein hone ko to kya hota nahin

fasl-e-gul mein gul se gul dast-o-gareban ho gae

hadisa aisa kisi ja runuma hota nahin

farz-e-yazdan ka to hota hi nahin paida sawal

farz-e-insan hi jab insan se ada hota nahin

barha aisa bhi hota hai harim-e-naz mein

samne hote hain wo aur samna hota nahin

kya teri duniya mein ya-rab hain kuchh aise bhi gharib

tu bhi jin ki zindagi ka aasra hota nahin

is liye karta hun 'anwar' saz-e-dil ka ehtiram

TuTne ke ba'd bhi ye be-sada hota nahin