dar shamil ho aur diwar mulawwis ho

dar shāmil ho aur dīvār mulavvis ho

yā'nī yaar kī haar meñ yaar mulavvis ho

us chorī se bachnā mushkil hotā hai

jis chorī meñ chaukīdār mulavvis ho

Tiipū sā sultān bhī jiit nahīñ saktā

ġhadr meñ jab koī ġhaddār mulavvis ho

sochiye phir anjām qabīle vāloñ kā

jab sāzish meñ ḳhud sardār mulavvis ho

lashkar kā phir paspā honā bantā hai

paspā.ī meñ jab sālār mulavvis ho

us us jurm kī file maḳhfī rahtī hai

jis jis meñ ḳhufiya kirdār mulavvis ho

'adl ke kārobār ko koī kyā roke

jab us meñ saarī sarkār mulavvis ho

zāhir meñ qaazī tā'zīr lagā.e aur

dar-parda shāhī darbār mulavvis ho

dost hamāre dost haiñ par kyā lāzim hai

qatl meñ dushman hī har baar mulavvis ho

mumkin hai us paar kā haath na ho is baar

mumkin hai koī is paar mulavvis ho

'vāsif' ḳhvāhish hai ki bastī ho bedār

aur bedārī meñ ‘jabbār’ mulavvis ho

dar shamil ho aur diwar mulawwis ho

ya'ni yar ki haar mein yar mulawwis ho

us chori se bachna mushkil hota hai

jis chori mein chaukidar mulawwis ho

Tipu sa sultan bhi jit nahin sakta

ghadr mein jab koi ghaddar mulawwis ho

sochiye phir anjam qabile walon ka

jab sazish mein KHud sardar mulawwis ho

lashkar ka phir paspa hona banta hai

paspai mein jab salar mulawwis ho

us us jurm ki file maKHfi rahti hai

jis jis mein KHufiya kirdar mulawwis ho

'adl ke karobar ko koi kya roke

jab us mein sari sarkar mulawwis ho

zahir mein qazi ta'zir lagae aur

dar-parda shahi darbar mulawwis ho

dost hamare dost hain par kya lazim hai

qatl mein dushman hi har bar mulawwis ho

mumkin hai us par ka hath na ho is bar

mumkin hai koi is par mulawwis ho

'wasif' KHwahish hai ki basti ho bedar

aur bedari mein ‘jabbar’ mulawwis ho