dar talak jaane ki hai uske manahi hum ko

dar talak jaane kī hai us ke manāhī ham ko

apnī bas ab nazar aatī hai tabāhī ham ko

roz jūñ-tūñ ki huā shaam to phir behtar azaab

nazar aa.ī shab-e-hijrāñ kī siyāhī ham ko

ham to jaane kā irāda nahīñ karte lekin

vo kamar sū-e-adam kartī hai raahī ham ko

kyuuñ tire chāh-e-zanaḳhdāñ kā na nazzāra kareñ

jī se bhātā hai bahut sabza-e-chāhī ham ko

dām-e-bar-dosh hī maḳhlūq kiyā ḳhāliq ne

tāqat uḌne kī na dī juuñ par-e-māhī ham ko

parda paḌtā jo nahīñ us se ḳhush-andāmī par

pyārā lagtā hai tirā kurtā-e-lāhī ham ko

umr bhar sher kahe ham ne pa tū ne ai ishq

na to huznī hī kiyā aur na aahī ham ko

'mus.hafī' ilm-e-luġhat se hai jinheñ āgāhī

jānte haiñ vo abū-nasr-farāhī ham ko

dar talak jaane ki hai us ke manahi hum ko

apni bas ab nazar aati hai tabahi hum ko

roz jun-tun ki hua sham to phir behtar azab

nazar aai shab-e-hijran ki siyahi hum ko

hum to jaane ka irada nahin karte lekin

wo kamar su-e-adam karti hai rahi hum ko

kyun tere chah-e-zanaKHdan ka na nazzara karen

ji se bhata hai bahut sabza-e-chahi hum ko

dam-e-bar-dosh hi maKHluq kiya KHaliq ne

taqat uDne ki na di jun par-e-mahi hum ko

parda paDta jo nahin us se KHush-andami par

pyara lagta hai tera kurta-e-lahi hum ko

umr bhar sher kahe hum ne pa tu ne ai ishq

na to huzni hi kiya aur na aahi hum ko

'mushafi' ilm-e-lughat se hai jinhen aagahi

jaante hain wo abu-nasr-farahi hum ko