dard dil ka ayan nahin hota

dard dil kā ayaañ nahīñ hotā

ham se ġham kā bayāñ nahīñ hotā

kaise samjhā.eñ ahl-e-mahfil ko

har jagah imtihāñ nahīñ hotā

guzrī bātoñ ko yaad karne se

vo fasāna bayāñ nahīñ hotā

ġham-zadoñ ko tasalliyāñ de kar

koī jānān-e-jāñ nahīñ hotā

kahne vaale to baat kah ke ga.e

dil se aañsū ravāñ nahīñ hotā

bebasī raah kī qadam roke

rahbarī kā nishāñ nahīñ hotā

dukh vahāñ se bhī ham ko milte haiñ

jis jagah se gumāñ nahīñ hotā

us se kyā ġham bayāñ kareñ apnā

sun ke jo mehrbāñ nahīñ hotā

kyoñ satāte ho ġham-zadoñ ko 'adā'

dil tumhārā tapāñ nahīñ hotā

dard dil ka ayan nahin hota

hum se gham ka bayan nahin hota

kaise samjhaen ahl-e-mahfil ko

har jagah imtihan nahin hota

guzri baaton ko yaad karne se

wo fasana bayan nahin hota

gham-zadon ko tasalliyan de kar

koi jaanan-e-jaan nahin hota

kahne wale to baat kah ke gae

dil se aansu rawan nahin hota

bebasi rah ki qadam roke

rahbari ka nishan nahin hota

dukh wahan se bhi hum ko milte hain

jis jagah se guman nahin hota

us se kya gham bayan karen apna

sun ke jo mehrban nahin hota

kyon satate ho gham-zadon ko 'ada'

dil tumhaara tapan nahin hota