dard-e-ulfat ke bayan ki na zarurat hogi

dard-e-ulfat ke bayāñ kī na zarūrat hogī

mere chehre se ayaañ dil kī haqīqat hogī

kaun fariyād karegā kise jur.at hogī

hashr meñ pesh-e-nazar jab tirī sūrat hogī

dāstān-e-shab-e-hijrāñ kī karūñ kyā tashrīh

muḳhtasar bhī jo kahūñgā to tavālat hogī

pesh-e-dāvar to karūñ ḳhuun kā da.avā lekin

mere qātil ko sar-e-hashr nadāmat hogī

dard-e-hijrāñ ke bayāñ kī nahīñ mujh ko hājat

un pe zāhir dil-e-betāb kī hālat hogī

is liye un ke qadam baḌh nahīñ sakte aage

rahguzar meñ kisī nāshād kī turbat hogī

dāġh-e-ulfat haiñ vahī phuul ki rafta rafta

jin se kāshāna-e-dil kī mire zīnat hogī

zindagī qalb kī harakat hī se vābasta hai

dil jo Thahregā to ik aur qayāmat hogī

dard-e-ulfat ke bayan ki na zarurat hogi

mere chehre se ayan dil ki haqiqat hogi

kaun fariyaad karega kise jurat hogi

hashr mein pesh-e-nazar jab teri surat hogi

dastan-e-shab-e-hijran ki karun kya tashrih

muKHtasar bhi jo kahunga to tawalat hogi

pesh-e-dawar to karun KHun ka dawa lekin

mere qatil ko sar-e-hashr nadamat hogi

dard-e-hijran ke bayan ki nahin mujh ko hajat

un pe zahir dil-e-betab ki haalat hogi

is liye un ke qadam baDh nahin sakte aage

rahguzar mein kisi nashad ki turbat hogi

dagh-e-ulfat hain wahi phul ki rafta rafta

jin se kashana-e-dil ki mere zinat hogi

zindagi qalb ki harakat hi se wabasta hai

dil jo Thahrega to ek aur qayamat hogi