dard ka mere mudawa wo karen ya na karen

dard kā mere mudāvā vo kareñ yā na kareñ

maiñ huuñ mashkūr dam-e-naz.a jo pardā na kareñ

mai se labrez ināyat jo vo paimāna kareñ

vā.izā nosh use rind kareñ yā na kareñ

ishq-e-sādiq jo zarā apnā asar dikhlā de

be-hijāb aa.eñ nazar vo kabhī pardā na kareñ

fasl-e-gul aa.e bhī sayyād agar gulshan meñ

ham vo bulbul haiñ rihā.ī kī tamanna na kareñ

tere kūche meñ jo mil jaa.e jagah marqad kī

bāġh-e-firdaus kī ushshāq tamanna na kareñ

jalva-gar dil meñ hai tū jin ke kisī sūrat vo

ruḳh haram kā na kareñ azm-e-kalīsā na kareñ

tere kūche meñ mayassar hai jinheñ roz tavāf

ka.abe kī samt vo bhūle se bhī sajda na kareñ

us kā dīdār kisī tarah nahīñ mumkin hai

shakl-e-ā.īna jo ham dil ko musaffā na kareñ

yaar bālīñ pe hai Thahreñ malak-ul-maut zarā

ruuh ke qabz kā kuchh der irāda na kareñ

dam kā mehmān huuñ dam lab pe hai ai jān-e-jahāñ

aap ghar jaane kā is vaqt irāda na kareñ

marte dam naam tirā muñh se nikal jaa.e agar

phir nakīrain lahad meñ koī jhagḌā na kareñ

dair-o-ka.aba to haqīqat meñ haiñ us ke ghar meñ

bāhamī gabr-o-musalmāñ koī jhagḌā na kareñ

dard ka mere mudawa wo karen ya na karen

main hun mashkur dam-e-naza jo parda na karen

mai se labrez inayat jo wo paimana karen

waiza nosh use rind karen ya na karen

ishq-e-sadiq jo zara apna asar dikhla de

be-hijab aaen nazar wo kabhi parda na karen

fasl-e-gul aae bhi sayyaad agar gulshan mein

hum wo bulbul hain rihai ki tamanna na karen

tere kuche mein jo mil jae jagah marqad ki

bagh-e-firdaus ki ushshaq tamanna na karen

jalwa-gar dil mein hai tu jin ke kisi surat wo

ruKH haram ka na karen azm-e-kalisa na karen

tere kuche mein mayassar hai jinhen roz tawaf

kabe ki samt wo bhule se bhi sajda na karen

us ka didar kisi tarah nahin mumkin hai

shakl-e-aina jo hum dil ko musaffa na karen

yar baalin pe hai Thahren malak-ul-maut zara

ruh ke qabz ka kuchh der irada na karen

dam ka mehman hun dam lab pe hai ai jaan-e-jahan

aap ghar jaane ka is waqt irada na karen

marte dam nam tera munh se nikal jae agar

phir nakirain lahad mein koi jhagDa na karen

dair-o-kaba to haqiqat mein hain us ke ghar mein

bahami gabr-o-musalman koi jhagDa na karen