dard ki nili ragen yaadon mein jalne ke sabab

dard kī niilī rageñ yādoñ meñ jalne ke sabab

saarī chīḳheñ rok letī haiñ sambhalne ke sabab

dard kī niilī rageñ to shor kartī haiñ bahut

paikar-e-nāzuk meñ is dil ke machalne ke sabab

dard kī niilī rageñ barfāb bistar meñ paḌī

TuuT jaatī haiñ tire ḳhvāboñ meñ chalne ke sabab

dard kī niilī rageñ umroñ ke niile pher ko

zard kartī jaatī haiñ sahrā meñ palne ke sabab

dard kī niilī rageñ hāthoñ meñ do-shīzāoñ ke

chūḌiyāñ tak toḌ detī haiñ bikharne ke sabab

dard kī niilī rageñ ThanDī havā se ashk-rez

surḳh hotī rahtī haiñ aañsū nigalne ke sabab

dard kī niilī rageñ 'naināñ' samundar ban ga.iiñ

hijr kī rātoñ kā pahlā chāñd Dhalne ke sabab

dard ki nili ragen yaadon mein jalne ke sabab

sari chiKHen rok leti hain sambhalne ke sabab

dard ki nili ragen to shor karti hain bahut

paikar-e-nazuk mein is dil ke machalne ke sabab

dard ki nili ragen barfab bistar mein paDi

TuT jati hain tere KHwabon mein chalne ke sabab

dard ki nili ragen umron ke nile pher ko

zard karti jati hain sahra mein palne ke sabab

dard ki nili ragen hathon mein do-shizaon ke

chuDiyan tak toD deti hain bikharne ke sabab

dard ki nili ragen ThanDi hawa se ashk-rez

surKH hoti rahti hain aansu nigalne ke sabab

dard ki nili ragen 'nainan' samundar ban gain

hijr ki raaton ka pahla chand Dhalne ke sabab